TÜRKİYƏ RESPUBLİKASININ CİNAYƏT MƏCƏLLƏSİNDƏKİ YENİ DƏYİŞİKLİKLƏR BÜTÜN DÜNYANIN DİQQƏT MƏRKƏZİNDƏDİR

16.09.2004 [11:19]
Çap et
A⁺ A^-

AZƏRTAC-ın xüsusi müxbiri xəbər verir ki, bu ilin dekabr ayında Avropa Birliyinin növbəti zirvə toplantısında Türkiyənin bu nüfuzlu quruma tam hüquqlu üzv qəbul edilməsi məsələsi müzakirə olunacaqdır. Odur ki, Avropa Birliyinin üzvü olan dövlətlər Türkiyədə baş verən bütün siyasi-ictimai proseslərə, ölkənin qanunvericiliyindəki dəyişikliklərə xüsusi diqqət yetirirlər. Son bir ayda Türkiyənin Cinayət Məcəlləsində dəyişikliklər haqqında layihə də Avropa Birliyini yaxından maraqlandırır. Cinayət Məcəlləsində dəyişikliklər layihəsində zinakarlığa görə cəza verilməsi haqqında maddə isə həm Türkiyədə, həm də Avropa ölkələrində geniş müzakirə mövzusuna çevrilmişdir.

Avropa siyasətçiləri və hüquqşünasları bu maddənin insan hüquqlarına zidd olduğunu vurğulayır, belə bir maddənin qəbul edilməsinin Türkiyə-AB münasibətlərinə böyük ziyan vuracağını nəzərə çarpdırırlar.

Sentyabrın 14-də Türkiyə Böyük Millət Məclisinin deputatları zinakarlığın cəzalandırılması masələsi ətrafında həm ölkə daxilində, həm də xaricindəki geniş müzakirələri nəzərə alaraq bu maddənin yeni qəbul ediləcək layihədən çıxardılmasını qərara almışlar. Parlamentin bu qərarı həm Türkiyədə, həm də xaricdə müsbət qarşılanmışdır.

TÜRKİYƏ RESPUBLİKASININ CİNAYƏT MƏCƏLLƏSİNDƏKİ YENİ DƏYİŞİKLİKLƏR BÜTÜN DÜNYANIN DİQQƏT MƏRKƏZİNDƏDİR

MÜƏLLİFLƏ ƏLAQƏ

Bölmənin digər xəbərləri