Türkiyə Rusiya taxılının idxalı üzrə liderliyə yüksəlib
Bakı, 2 noyabr, AZƏRTAC
Türkiyə bu ilin iyul-oktyabr aylarında Rusiya taxılının tədarükü üzrə birinci yerə yüksəlib.
AZƏRTAC xəbər verir ki, bu barədə Taxıl Tədarükçüləri İttifaqı Teleqram kanalında məlumat yayıb.
Türkiyə iyul-oktyabr aylarında Rusiyadan 2,696 milyon ton taxıl alıb. Siyahıda üçüncü yerə enən Misir tədarükü 2,9 faiz artıraraq 2,603 milyon tona çatdırıb. Bir ay öncə üçüncü yerdə qərarlaşan İran isə RF-dən 2,688 milyon ton taxıl alaraq ikinci yerə qalxıb.
Rusiyadan taxıl idxal edən ölkələr arasında ilk beşliyə, həmçinin tədarükü 22,8 faiz artıraraq 1,831 milyon tona çatdıran Səudiyyə Ərəbistanı və idxalı 2,8 faiz artıraraq 1,326 milyon tona çatdıran Banqladeş daxil olub.
Ümumilikdə isə Rusiya iyul-oktyabr aylarında ixracı ötən illə müqayisədə 1,5 dəfə artıraraq 24,7 milyon ton taxıl satıb.
Bölmənin digər xəbərləri
