Türkiyə Superliqası: “Başakşəhər” liderliyini möhkəmləndirib
Bakı, 19 fevral, AZƏRTAC
Fevralın 18-də futbol üzrə Türkiyə Superliqasının XXII turuna yekun vurub.
AZƏRTAC xəbər verir ki, səfərdə “Antalyaspor”la qarşılaşan lider “Başakşəhər” rəqibini minimal hesabla məğlubiyyətə uğradıb (0:1).
Qonaq komandanın yeganə qoluna 33-cü dəqiqədə Fyodor Kudryaşov imza atıb.
Bu qələbə sayəsində “Başakşəhər” xallarının sayını 48-ə çatdıraraq turnir cədvəlində liderliyini qoruyub. “Antalyaspor” isə 29 xalla 9-cu pillədə qərarlaşıb.
Qeyd edək ki, “Qalatasaray” 42 xalla ikinci, “Beşiktaş” isə 39 xalla üçüncü pillədə qərarlaşıblar.
Bölmənin digər xəbərləri
