Türkiyədə BDU-nun həmtəşkilatçılığı ilə konfrans keçiriləcək
Bakı, 1 aprel, AZƏRTAC
Bakı Dövlət Universiteti (BDU) azərbaycanlılara qarşı törədilən soyqırımı və deportasiyalarla bağlı tədqiqatların aparılması, müxtəlif yerli və beynəlxalq tərəfdaşlarla tədbirlərin keçirilməsinə xüsusi önəm verir.
BDU-dan AZƏRTAC-a bildirilib ki, aprelin 9-da və 11-də Türkiyədə BDU, “Zəfər” Şəhid Ailələrinə Dəstək İctimai Birliyi, Dokuz Eylül Universiteti, Anadolu Universiteti, İzmir-Azərbaycan Dərnəyi, Eskişehir-Azərbaycan Dərnəyinin birgə təşkilatçılığı ilə “Erməni problemi və XX əsrdə azərbaycanlılara qarşı törədilən soyqırımı və deportasiyalar” mövzusunda konfrans keçiriləcək.
Aprelin 9-da Dokuz Eylül Universiteti, aprelin 11-də isə Anadolu Universitetində keçiriləcək konfransda adıçəkilən təşkilatların nümayəndələri açılış çıxışları edəcək, panel müzakirələrdə BDU-dan və Türkiyə universitetlərindən alimlərin ermənilər tərəfindən törədilən soyqırımı və deportasiyalar haqqında məruzələri dinləniləcək.
Bölmənin digər xəbərləri
