Türkiyəli qadın diplomat ATƏT-in islamofobiya ilə mübarizə üzrə xüsusi nümayəndəsi təyin edilib
Bakı, 25 yanvar, AZƏRTAC
Türkiyəli qadın diplomat Evren Dağdelen Akgün Avropada Təhlükəsizlik və Əməkdaşlıq Təşkilatının (ATƏT) islamofobiya və dözümsüzlük ilə mübarizə üzrə xüsusi nümayəndəsi təyin edilib.
AZƏRTAC Anadolu agentliyinə istinadla xəbər verir ki, türkiyəli diplomat bu vəzifəyə cari ildə ATƏT-ə sədrlik edən Malta tərəfindən təyin olunub.
Türkiyə XİN-in bununla bağlı bəyanatında deyilir ki, “Evren Dağdelen Akgünün təşkilatın müsəlmanlara qarşı dözümsüzlük və ayrı-seçkiliyə qarşı mübarizə üzrə xüsusi nümayəndəsi təyin edilməsi təqdirəlayiq addımdır”. Nazirlik qeyd edib ki, Türkiyənin nümayəndəsi bu məsuliyyətli vəzifədə mədəniyyətlər və dinlər arasında dialoqa töhfə verəcək.
Türk diplomatiyasına 30 il xidmət etmiş Evren Dağdelen Akgün uzun müddət Ankaranın Avropa İttifaqındakı səfiri qismində Brüsseldə çalışıb. O, həmçinin Vaşinqton, Özbəkistan və Tailandda da səfirliklərdə fəaliyyət göstərib.
Bölmənin digər xəbərləri
