TÜRKİYƏNİN BAŞ NAZİRİ AB İLƏ ANKARA ARASINDA DANIŞIQLARIN BAŞLANMASINI MÜHÜM MƏRHƏLƏ ADLANDIRMIŞDIR
AZƏRTAC-ın İTAR-TASS agentliyindən aldığı xəbərə görə, Türkiyənin Baş naziri Rəcəb Tayyib Ərdoğan ölkəsinin Avropa Birliyinə qoşulması ilə əlaqədar danışıqların başlanması barədə razılaşma əldə olunmasını Avropaya doğru yolda tarixi mərhələ adlandırmışdır. O, oktyabrın 4-də demişdir: “Biz hələ 40 il əvvəl qarşıya qoyduğumuz məqsədin - AB-yə qoşulmaq məqsədinin daha mühüm mərhələsinə qədəm qoymuşuq”.
Ərdoğanın fikrincə, Lüksemburqda sağlam təfəkkür üstün gəlmiş və danışıqların çərçivəsi Türkiyənin milli mənafelərinə cavab verən forma almışdır.
Ankara AB-nin Türkiyəyə “yaşıl işıq” yandırdığı barədə rəsmi məlumatı aldıqdan dərhal sonra xarici işlər naziri Abdullah Gül danışıqlarda iştirak etmək üçün Lüksemburqa yola düşmüşdür.
Bölmənin digər xəbərləri
