Türkiyənin nəqliyyat və infrastruktur naziri Heydər Əliyevin məzarını və Şəhidlər xiyabanını ziyarət edib
Bakı, 31 may, AZƏRTAC
Azərbaycan tərəfinin dəvəti ilə Türkiyə Respublikasının nəqliyyat və infrastruktur naziri Adil Karaismailoğlunun rəhbərlik etdiyi nümayəndə heyəti ölkəmizdə səfərdədir.
Türk nümayəndə heyəti nəqliyyat, rabitə və yüksək texnologiyalar naziri Rəşad Nəbiyevlə birlikdə Fəxri xiyabanda ulu öndər Heydər Əliyevin və akademik Zərifə Əliyevanın məzarlarını, Şəhidlər xiyabanını, “Türk şəhidliyi” abidəsini ziyarət ediblər.
Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, qonaqlar Heydər Əliyev Mərkəzinə və Hərbi Qənimətlər Parkına da baş çəkiblər.
Sonra nümayəndə heyəti İçərişəhərdə tarixi-memarlıq abidələri ilə tanış olub.
Qeyd edək ki, iki ölkə nazirlərinin işğaldan azad edilmiş ərazilərdə icrasına başlanılan infrastruktur layihələri ilə yerində tanışlıq məqsədilə Füzuli və Xocavənd rayonlarına birgə səfərləri nəzərdə tutulub.
Bölmənin digər xəbərləri
