“Turkmenistan Airlines” beynəlxalq uçuşlarının coğrafiyasını genişləndirir
Aşqabad, 3 oktyabr, AZƏRTAC
“Turkmenistan Airlines” beynəlxalq uçuşlarının coğrafiyasını genişləndirir.
AZƏRTAC xəbər verir ki, Türkmənistan dekabrda Malayziyanın paytaxtına müntəzəm aviareysləri bərpa etməyi planlaşdırır. Kuala-Lumpura uçuşlar həftədə üç dəfə həyata keçiriləcək. Dekabrda, həmçinin Aşqabaddan Ciddəyə həftədə iki dəfə olmaqla müntəzəm aviareyslər açılacaq.
Türkmənistan Cənub-Şərqi Asiyaya da aviareyslər təşkil etməyi planlaşdırır. Ho Şe Min (Vyetnam) üçün yeni marşrutlar nəzərdə tutulur. Hazırda Avropa, Türkiyə, MDB ölkələri, Tailand və Vyetnamdan gələn turistlərin Aşqabad Beynəlxalq Hava Limanı vasitəsilə Ərəbistan yarımadasına uçuşuna imkan verən marşrutlar hazırlanır.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
