ÜÇÖLÇÜLÜ FOTOŞƏKİLLƏR ÇƏKMƏK ARTIQ MÜMKÜNDÜR
“Fujifilm” şirkətinin yeni işi “FinePix Real 3D System” sisteminin köməyi ilə işləyir və fotoaparatın düyməsini bir dəfə basmaqla bir deyil, iki şəkil çəkir və şəkillər bir-birindən fərqlənir, bunun sayəsində isə dərinlik effekti əmələ gəlir. Qurğu ikiqat linza prinsipi əsasında işləyir.
Yaponlar 3D fotoaparatını ilk dəfə Almaniyanın Köln şəhərində “Phtokina” sərgisində nümayiş etdirmişlər. Şirkətin nümayəndələri şüşəsiz və printersiz xüsusi 8,4 düymlü 3D çərçivələrini satışa çıxaracaqlarını vəd edirlər. Yeni fotoaparat, fotoşəkillərdən başqa, üçölçülü video da yarada biləcəkdir. Alınmış təsvirə qurğunun dal tərəfində yerləşdirilmiş mayekristal ekranda dərhal baxmaq olar. Fotoaparat gələn il satışa çıxarılacaqdır.
