Kiyev, 3 mart, AZƏRTAC

Martın 3-də Ukrayna və Rusiya arasında hərbçilərin cəsədlərinin növbəti mübadiləsi həyata keçirilib, Ukraynaya 17 meyit təhvil verilib.

AZƏRTAC Ukraynanın Reinteqrasiya Nazirliyinə istinadla xəbər verir ki, cəsədlərin olması ehtimal edilən yerlərin aşkarlanması üzrə işlər davam edir. Ümumilikdə, Rusiyanın Ukraynaya qarşı başladığı müharibə zamanı indiyədək 1426 ukraynalı hərbçinin meyiti qaytarılıb.

Fevralın 2-də Rusiya Federasiyası ilə meyitlərin ən böyük mübadilə prosesi baş tutub. Ukrayna 150-yə yaxın müdafiəçisinin cəsədini qaytarmağa nail olub.

Emil Hüseynli

AZƏRTAC-ın xüsusi müxbiri

Kiyev