UKRAYNA MİKROBİOLOQLARI XƏRÇƏNG XƏSTƏLİYİNƏ QARŞI YENİ PREPARAT HAZIRLAMIŞLAR
AZƏRTAC Ukrinforma istinadla xəbər verir ki, Ukrayna mikrobioloqlarının xərçəng xəstəliyinə qarşı hazırladıqları yeni preparat-“Landomitsin-E” antibiotiki hüceyrə səviyyəsində uğurla sınaqdan çıxarılmışdır. Bunu Odessada Ukrayna Mikrobioloqlar Cəmiyyətinin 10-cu qurultayında UMEA-nın Mikrobiologiya və Virusologiya İnstitutunun mikroorqanizmlər genetikası bölməsinin müdiri Boqdan Matselyux bildirmişdir. Dərman insanın xərçəng hüceyrələrinin 60 xətti üzrə öz səmərəliliyini sübut etmişdir.
Alimin sözlərinə görə, indi işin növbəti mərhələsi başlanır: “Landomitsin-E” ABŞ alimləri ilə birgə heyvanlar üzərində sınaqdan çıxarılacaqdır. Əlverişli nəticə əldə edilərsə, bürokratik əngəllər olmazsa və istehsalçı şirkətlər buna maraq göstərərsə, preparat 2-3 ildən sonra istehlakçıya çatdırıla bilər.
Bölmənin digər xəbərləri
