UKRAYNA MÜĞƏNNİSİ DÜNYA MUSİQİ MÜKAFATINA LAYİQ GÖRÜLMÜŞDÜR
İndiyədək Ukraynanın pop-musiqi ulduzları mükafata yalnız Rusiya müğənniləri ilə rəqabətdə ümid edə bilirdilər.
“Dünya musiqi mükafatları”nın ilk ukraynalı sahibi Ruslana Lıjiçko olmuşdur. Bu mükafatın təqdimat mərasiminə başçılıq edən Monako şahzadəsi Albert İstanbulda keçirilmiş “Avroviziya-2004” müsabiqəsində ukraynalı müğənninin müvəffəqiyyətindən danışarkən bildirmişdir ki, Ukrayna pop-musiqisi artıq dünya səviyyəli sənətə çevrilmişdir və mərasimdə müstəqil təmsil oluna bilər.
Hər bir pop-musiqi ifaçısının həsrətində olduğu yüksək mükafatı Ruslanaya həmvətəni - peşəkar boksçular arasında dünya çempionu Vitali Kliçko təqdim etmişdir.
“Dünya musiqi mükafatları” ilk dəfə Monakoda deyil, ABŞ-da təqdim olunmuşdu ki, bu da şounun tamaşaçı auditoriyasının xeyli genişlənməsinə imkan yaratmışdı. Mərasimdən canlı teleyayıma dünyanın 160 ölkəsində bir milyarddan artıq tamaşaçı baxa bilmişdir.
Bölmənin digər xəbərləri
