Ukraynada 2 milyondan çox insan hepatit C və B viruslarının daşıyıcısıdır
Kiyev, 28 iyul, AZƏRTAC
Ukraynada 2 milyondan çox insan hepatit C və B viruslarına yoluxub.
AZƏRTAC xəbər verir ki, bu barədə ölkənin Səhiyyə nazirini əvəz edən Ulyana Suprun Hepatitə qarşı Beynəlxalq Mübarizə Günü ilə bağlı açıqlamasında bildirib.
Onun sözlərinə görə, hər il təxminən 3 min insan hepatit C və B viruslarına yoluxur. Nazir əvəzi əhalini hepatit xəstəliyi ilə bağlı müayinə olunmağa çağırıb. Çünki insanlar bilmədən bu xəstəliyin daşıyıcıları ola bilərlər.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
