UKRAYNADA QEYDİYYATDA OLAN İŞSİZLİYİN SƏVİYYƏSİ AZALMAQDADIR
AZƏRTAC-ın Ukrinformdan aldığı xəbərdə deyilir ki, Dövlət Məşğulluq Xidmətinin qeydiyyatında olan ukraynalı işsizlərin sayı bu ilin yanvar ayına nisbətən 78 min nəfər azalmışdır. Ukrayna Dövlət Statistika Komitəsinin məlumatına görə, hazırda ölkədə 925,6 min belə işsiz qeydiyyata alınmışdır.
Əməkqabiliyyətli əhali üçün nəzərdə tutulmuş işsizliyin qeydiyyata alınması səviyyəsi bu il sentyabrın 1-i üçün 3,4 faiz olmuşdur.
Yanvar-avqust aylarında ölkədə işçi qüvvəsinə tələbat 48,2 min nəfər artmışdır. Dövlət Məşğulluq Xidməti vasitəsilə işə düzəlmiş şəxslərin sayı 52,8 mindən 79 minədək çoxalmışdır.
Bölmənin digər xəbərləri
