Ümumdünya Şahmat Olimpiadası: Azərbaycan milliləri növbəti görüşlərini keçirəcəklər
Bakı, 21 sentyabr, AZƏRTAC
Azərbaycan yığmaları Ümumdünya Şahmat Olimpiadasında bu gün növbəti görüşlərini keçirəcəklər.
AZƏRTAC xəbər verir ki, Teymur Rəcəbovun kapitan olduğu kişilərdən ibarət kollektiv X turda Kuba ilə üz-üzə gələcək.
Kapitanı Mixail Şereşevski olan qadın millisi isə Monqolustanla qarşılaşacaq.
Şəhriyar Məmmədyarov, Nicat Abasov, Rauf Məmmədov, Aydın Süleymanlı və Məhəmməd Muradlının yer aldığı kişi yığması 12 xalla 21-ci, Günay Məmmədzadə, Xanım Balacayeva, Gövhər Beydullayeva, Ülviyyə Fətəliyeva və Gülnar Məmmədovadan ibarət komanda isə 13 xalla 12-ci pillədə qərarlaşıb.
Qeyd edək ki, Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasına sentyabrın 23-də yekun vurulacaq.
Bölmənin digər xəbərləri
