ÜMUMMİLLİ LİDERİMİZ HEYDƏR ƏLİYEVİN “AZƏRBAYCANLILARIN SOYQIRIMI HAQQINDA” FƏRMANI XALQIMIZIN QAN YADDAŞINA QAYIDIŞIDIR
Əvvəlcə ulu öndər Heydər Əliyevin və soyqırımı qurbanlarının xatirəsi bir dəqiqəlik sükutla yad olunmuşdur.
Gənclər və idman naziri Sucaxan Novruzov “Böyük Ermənistan” xülyası ilə yaşayan erməni millətçilərinin əvvəlcə Çar Rusiyasının, sonralar isə Sovetlər Birliyi rəhbərliyinin havadarlığı ilə “Azərbaycan torpaqlarını ələ keçirməsi, bu məqsədlə azərbaycanlılara qarşı törətdikləri soyqırımı haqqında həqiqətlərin gənc nəslə çatdırılması istiqamətində nazirliyin gördüyü tədbirlərdən bəhs etmişdir.
Sonra Naxçıvan MR “Birlik və Maarifçilik” Cəmiyyətinin sədri Ziyəddin İsmayılovun “XX əsrdə azərbaycanlıların ermənilər tərəfindən soyqırımına məruz qalması” mövzusunda məruzəsi dinlənilmişdir. Natiq 1905-1907, 1915-1920, 1948-1953 və 1986-1993-cü illərdə ermənilərin Azərbaycan xalqının başına gətirdikləri faciələr barədə geniş məlumat vermişdir.
