Ümumtəhsil məktəblərinin qışa hazırlığı geniş müzakirə olunmuşdur
Ağsu, 31 oktyabr (AZƏRTAC). AZƏRTAC xəbər verir ki, Ağsu Rayon İcra Hakimiyyətində keçirilən şura iclasında təhsil ocaqlarında 2013-2014-cü il payız-qış mövsümünə hazırlığın vəziyyəti müzakirə edilmişdir.
Qeyd olunmuşdur ki, hazırkı tədris ilində rayonda 70 ümumtəhsil məktəbi və 4 məktəbəqədər tərbiyə müəssisəsi fəaliyyət göstərir. Artıq qarşıdan gələn qarlı-şaxtalı günlərdə məktəblərdə dərslərin normal davam etdirilməsi, uşaq bağçalarının normal fəaliyyəti xüsusi önəm kəsb edir ki, bu da müəssisələrin qızdırıcılarla lazımınca təchiz olunmasından asılıdır.
Göstərilmişdir ki, 20 məktəb binası müasir istilik sistemi ilə təchiz edilmişdir. Bunlardan 8-i təbii qazla, 12-si isə dizel yanacağı ilə işləyir. Rayonun qalan 50 tədris müəssisəsi isə odunla qızdırılır.
Cari payız-qız mövsümü üçün 33,5 min litr dizel yanacağı, 1.650 kubmetr odun tədarük olunması planlaşdırılmışdır və hazırda bununla əlaqədar tədbirlər görülür.
Şura iclasında müəssisələrin yanacaq təminatının təcili həlli ilə əlaqədar konkret tapşırıqlar verilmişdir.
Bölmənin digər xəbərləri
