UNEC-dən professor-müəllim heyətinin fəaliyyətinin təkmilləşdirilməsi ilə bağlı növbəti addım
Bakı, 20 fevral, AZƏRTAC
UNEC-də professor-müəllim heyətinin tədris və tədqiqat bacarıqlarının təkmilləşdirilməsi, ingilisdilli ədəbiyyatlara çıxış imkanlarının genişləndirilməsi, müəllimlərin beynəlxalq mübadilə proqramlarında iştirakına şərait yaradılması məqsədilə 2018/2019-cu tədris ilinin yaz semestrindən etibarən “Akademik ingilis dili” kurslarına start veriləcək.
Universitetdən AZƏRTAC-a bildirilib ki, bu məqsədlə ölkədə xarici dil tədrisi sahəsində böyük təcrübəyə malik şirkətlərdən biri olan “British Council” ilə əməkdaşlıq müqaviləsi imzalanıb və UNEC-in müəllimləri üçün diaqnostiq APTIS test imtahanı təşkil olunub.
APTIS test imtahanının nəticəsinə əsasən B1 və yuxarı olan müəllimlər üçün 4 ay müddətinə 96 saat təlimin keçirilməsi nəzərdə tutulub. Kursların proqramı professor-müəllim heyətinin ixtisas səhələri üzrə akademik ingilis dilində danışma, yazma, dinləmə və oxuma bacarıqlarının təkmilləşdiriməsi məqsədilə hazırlanıb. Təlim nəticəsində müəllimlərin nüfuzlu beynəlxalq jurnallarda məqalələrinin çap etdirməsi, mübadilə yolu ilə dünya universitetlərinin tədris fəaliyyətlərində iştirak imkanlarının artırılması və muasir ədəbiyyatla tanışlıq imkanlarının genişləndirilməsi hədəflənib.
Müəllimlərin ingilis dili səviyyəsinin yoxlanılması məqsədilə kursun sonunda yenidən APTIS imtahanı təşkil olunacaq.
Bölmənin digər xəbərləri
