“UNEC Ekspert” jurnalı: Sosialyönümlü bazar iqtisadiyyatında son yeniliklər
Bakı, 15 aprel, AZƏRTAC
Azərbaycan Dövlət İqtisad Universitetinin təsis etdiyi “UNEC Ekspert” jurnalının növbəti sayının elektron buraxılışı oxuculara təqdim olunub.
UNEC-dən AZƏRTAC-a bildirilib ki, jurnalın budəfəki sayında iqtisadçı ekspertlərin sosialyönümlü bazar iqtisadiyyatı ilə bağlı mövzuları yer alıb. Oxucular jurnalda əmək bazarı, məşğulluq və sosial inkişaf, sosial islahatlar paketi və həssas əhali qrupları, sosial sferanın institusional islahatları barədə bir-birindən maraqlı ekspert araşdırmaları ilə tanış olacaqlar. Eləcə də əməkhaqqı sistemindəki son islahatlar, elektron xidmətlərdəki yeniliklər, pensiya təminatı, sosial müavinətlər, sosial tədqiqatlarla bağlı ətraflı məlumatlar əldə edəcəklər.
“UNEC Ekspert” jurnalı ilə http://online.fliphtml5.com/vzemo/kbzh/ linkində tanış olmaq mümkündür.
Bölmənin digər xəbərləri
