“Unibank” arayışsız yeni nağd kredit kampaniyasına başlamışdır
Bakı, 14 dekabr (AZƏRTAC). “Unibank” yeni illə bağlı arayışsız yeni nağd kredit kampaniyasına başlamışdır.
Bankdan AZƏRTAC-a bildirmişlər ki, yanvarın 13-dək davam edəcək kampaniya çərçivəsində hər kəs iş yerindən arayış təqdim etmədən, yalnız şəxsiyyət vəsiqəsi ilə illik 3 faizdən artıq endirimlə nağd kredit götürə biləcəkdir. Arayışsız kreditin minimal məbləği 300 manat, maksimal məbləği 5000 manatdır. Müddəti 3-30 ay olan arayışsız kreditlər bankın bütün paytaxt və rayon filiallarında verilir.
Kampaniya çərçivəsində müştərilərin qeydiyyatına, iş stajına heç bir tələb qoyulmur. Paralel olaraq, hədiyyə kimi mobil operatorlar vasitəsilə bir saatlıq danışıq kartları da təqdim ediləcəkdir. Başqa banklarda kredit borcu olanlara da arayışsız kredit veriləcəkdir.
Bölmənin digər xəbərləri
