ÜZEYİR HACIBƏYOVUN ANADAN OLMASININ 119-CU İLDÖNÜMÜ MÜNASİBƏTİLƏ TƏDBİR KEÇİRİLMİŞDİR
AZƏRTAC-ın müxbiri xəbər verir ki, sentyabrın 16-da Üzeyir Hacıbəyovun ev-muzeyində keçirilən musiqi günü bəstəkarın “Koroğlu” operasının əzəmətli uvertürası ilə başlamışdır. Ev muzeyinin direktoru Səadət Qarabağlı, İbrahim Əbilov adına mədəniyyət evinin bədii rəhbəri Mirəhməd Əsgərov, bəstəkar Şəfiqə Axundova, yazıçı Gülhüseyn Hüseynoğlu, Türkiyənin Azərbaycandakı səfirliyinin mədəniyyət məsələləri üzrə müşaviri Fethi Gedikli və digər çıxış edənlər Azərbaycan professional musiqi sənətinin və milli operanın banisi Üzeyir Hacıbəyovun həyat və yaradıcılığı, dünya musiqisini zənginləşdirən əsərləri haqqında söhbət açmış, xatirələrini danışmışlar. Görkəmli aktyor Osman Hacıbəyovun portretini onun qızı Rəna xanım muzeyə hədiyyə etmişdir.
Musiqi günündə İ.Əbilov adına mədəniyyət evinin yaradıcı kollektivinin ifasında dahi bəstəkarın əsərləri, operalarından parçalar səslənmiş və səhnəciklər göstərilmişdir.
Bölmənin digər xəbərləri
