ÜZEYİR MUSİQİ GÜNÜNƏ HƏSR OLUNMUŞ KONSERT
AZƏRBAYCAN PREZİDENTİ İLHAM ƏLİYEV KONSERTDƏ OLMUŞDUR
Salona toplaşanlar Azərbaycan Prezidenti İlham Əliyevi hərarətlə qarşıladılar.
Konsertdə dünya şöhrətli musiqiçi Mstislav Rostropoviçin dirijorluğu ilə Üzeyir Hacıbəyov adına Azərbaycan Dövlət Simfonik Orkestrinin ifasında Üzeyir Hacıbəyovun “Koroğlu”, Mixail Qlinkanın “Ruslan və Lyudmila” operalarından uvertüralar, Antonin Dvorjakın 8 nömrəli Simfoniyası /dörd hissədə/, Pyotr Çaykovskinin “İtalyan kapriççiosu” və Qara Qarayevin “Yeddi gözəl” baletindən “Vals” və “Yürüş” səsləndi. Böyük müvəffəqiyyətlə keçən konsert dəfələrlə gurultulu alqışlarla qarşılandı.
Milli Məclisin sədri Murtuz Ələsgərov, Prezident Administrasiyasının rəhbəri Ramiz Mehdiyev, xarici ölkələrin Bakıdakı səfirləri və digər rəsmi şəxslər konsertdə olmuşlar.
Bölmənin digər xəbərləri
