ÜZEYİR MUSİQİ GÜNÜNƏ HƏSR OLUNUR
AZƏRTAC-ın müxbiri xəbər verir ki, mərasim iştirakçıları muzeyin foyesində təşkil olunmuş “Üzeyir Hacıbəyov və Hacıbəyovlar” adlı sərgiyə baxmışlar. Tədbirdə muzeyin elmi işlər üzrə direktor müavini Təranə Qurbanova, mədəniyyət nazirinin müavini Sevda Məmmədəliyeva, xalq artisti Əminə Dilbazi, bəstəkarlar Şəfiqə Axundova, Azər Rzayev çıxış edərək, professional musiqi sənətimizin və milli operamızın banisi dahi bəstəkar Üzeyir Hacıbəyovun həyat və yaradıcılığından, əbədiyaşar əsərlərindən söhbət açmış, onunla bağlı xatirələrini bölüşmüş, arzu və təkliflərini bildirmişlər.
Bakı Musiqi Akademiyasının dosenti Ülviyyə Hacıbəyovanın, Azərbaycan Dövlət Opera və Balet Teatrının solistləri - əməkdar artist Həsən Enaminin, Gülnaz İsmayılovanın, Gülüstan Əliyevanın, Natəvan İsmayılovanın, Səbuhi İbayevin ifasında bəstəkarın “Leyli və Məcnun”, ”Koroğlu” operalarından, “Arşın mal alan” operettasından parçalar səslənmişdir.
Bölmənin digər xəbərləri
