V4 qrupuna üzv olan dövlətlərin başçıları Lanı qəsrinə toplaşıblar
Praqa, 3 oktyabr, AZƏRTAC
Oktyabrın 2-də Çexiya Prezidentinin Praqanın 35 kilometrliyində yerləşən şəhərətrafı iqamətgahında - orta əsrlər dövrünə aid Lanı qəsrində Vışeqrad qrupunun (V4) üzvü olan dövlətlərin prezidentlərinin sammiti keçirilib.
AZƏRTAC xəbər verir ki, sammitdə Çexiya, Polşa, Macarıstan və Slovakiyanı müvafiq olaraq Miloş Zeman, Ancey Duda, Yanoş Ader və Zuzana Çaputova təmsil ediblər.
Görüşdə həm bu “dördlüyün” özü çərçivəsində gələcək əməkdaşlıq məsələləri, həm də Avropa İttifaqı strukturlarının ümumi strategiyası müzakirə edilib. Gündəlikdə Brexitdən sonra Brüsseldə qüvvələr nisbətinə dəyişikliklər məsələsi də durub.
Bu gün sammit Sloveniya Prezidenti Borut Paxorun və onun serbiyalı həmkarı Aleksandr Vuçiçin iştirakı ilə davam edəcək.
“Dnes” qəzetinin yazdığına görə, sammit iştirakçıları oktyabrın 2-də vəfat etmiş əfsanəvi çex müğənni Karel Qottun xatirəsini anıblar.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
