Vaşinqton Ukraynaya, eləcə də NATO müttəfiqlərinə 44,9 milyard dollar ayıracaq
Bakı, 23 dekabr, AZƏRTAC
ABŞ Konqresinin Senatı ölkənin 2023-cü maliyyə ili üçün (30 sentyabrda başa çatır) təxminən 1,7 trilyon dollar büdcə layihəsini təsdiqləyib.
AZƏRTAC bu barədə TASS agentliyinə istinadla xəbər verir.
Büdcədə nəzərdə tutulan ümumi xərclər bu rəqəmin 1,52 trilyon dollar müəyyən edildiyi 2022-ci ildəkindən daha yüksək olacaq. Vəsaitlərin böyük hissəsi - 858 milyard dolları müdafiəyə yönəldiləcək, 722,5 milyard dollar isə qeyri-müdafiə xərclərinə ayrılacaq.
Vaşinqton Ukraynaya, eləcə də NATO müttəfiqlərinə fövqəladə dəstək üçün 44,9 milyard dollar ayırmaq niyyətindədir. Eyni zamanda, bu ilin büdcəsində Ukraynaya ümumi dəstək 13,6 milyard dollar təşkil edib ki, bu da 2023-cü ildə nəzərdə tutulandan təxminən üç dəfə azdır.
Bölmənin digər xəbərləri
