Vaşinqtonda İsrail səfirliyinin iki əməkdaşı güllələnib – YENİLƏNİB
Vaşinqton, 22 may, AZƏRTAC
Vaşinqtonda Paytaxt Yəhudi Muzeyinin qarşısında İsrail səfirliyinin 2 əməkdaşını güllələməkdə şübhəli bilinən şəxs saxlanılıb.
AZƏRTAC-ın məlumatına görə, bu barədə paytaxt Polis Departamentinin rəisi Pamela Smit mətbuat konfransında məlumat verib. Onun sözlərinə görə, şübhəli şəxs Çikaqodan olan 30 yaşlı Elias Rodriqezdir. Atışmadan əvvəl onun muzeyin dolaşdığı müşahidə edilib.
Hadisə zamanı həmin şəxs dörd nəfərlik qrupa yaxınlaşaraq tapançadan iki nəfərə atəş açıb. Atışmadan sonra o, muzeyə daxil olub və mühafizəçi tərəfindən saxlanılıb.
İsrail səfirliyi hadisə qurbanlarının nişanlı olduğunu açıqlayıb.
07:54
ABŞ-da paytaxt Vaşinqtonun Şimal-Qərb məhəlləsində Paytaxt Yəhudi Muzeyinin qarşısında bir kişi və bir qadın güllələnərək öldürülüb.
AZƏRTAC-ın məlumata görə, ABŞ-ın daxili təhlükəsizlik üzrə katibi Kristi Noem ölənlərin İsrail səfirliyinin əməkdaşları olduğunu açıqlayıb.
O, hadisənin detallarının əldə olunması üçün araşdırmanın davam etdiyini deyib.
Amerika Yəhudi Komitəsinin baş direktoru Ted Doyçun verdiyi məlumata əsasən, hadisə muzeydə keçirilən tədbir zamanı baş verib.
İsrail səfiri Danni Danon sosial şəbəkə hesabında hadisəni pisləyib. Səfirlik hadisə ilə bağlı hüquq-mühafizə orqanları ilə işləyir.
Muzey həm də Federal Təhqiqatlar Bürosunun Vaşinqton Ofisinin yanında yerləşir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
