Vatikanda ilk qadın prefekt təyin edilib
Vatikan, 7 yanvar, AZƏRTAC
Müqəddəs Taxt-Tacda ilk dəfə qadın prefekt təyin olunub.
AZƏRTAC xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilib ki, Roma Katolik Kilsəsinin rəhbəri Papa Fransisk Simona Brambillanı Həvarilərin müqəddəs həyatı və cəmiyyətləri üzrə dikasteriyanın (şöbə) prefekti təyin edib. İtaliyadakı Konsolata Missionerlərinin keçmiş baş keşişi olan Simona Brambilla Vatikanda bu vəzifəyə təyin olunan ikinci qadındır.
Fransiskin pontifikliyi dövründə Müqəddəs Taxt-Tacda yüksək vəzifələrdə çalışan qadınların sayı artıb. 2013-2023-cü illərdə Vatikanda qadınların nisbəti 19,2 faizdən 23,4 faizə yüksəlib, ötən on il ərzində iki qadın yüksək vəzifələrə təyin edilib.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
