Venesuelanın vitse-prezidenti: Dövlət çevrilişlərinin arxasında ABŞ dayanır
Bakı, 25 yanvar, AZƏRTAC
Dünyanın hansı yerində dövlət çevrilişi, silahlı münaqişə, qeyri-sabit vəziyyət və silahlı inqilab varsa, bunların hamısının arxasından ABŞ-ın Mərkəzi Kəşfiyyat İdarəsi çıxır.
AZƏRTAC xəbər verir ki, bu sözləri Venesuelanın vitse-prezidenti Delsi Rodriqes X sosial şəbəkə hesabındakı paylaşımında yazıb. O bildirib: “Çilinin Prezidenti Salvador Alyendanın qətlə yetirilməsindən 2 il sonra məlum oldu ki, sosialist Prezidenti ABŞ-ın xüsusi xidmət orqanları öldürüb. Çilidə dövlət çevrilişinin ABŞ tərəfindən həyata keçirildiyini sübuta yetirən çox sayda dəlil var. Mərkəzi Kəşfiyyat İdarəsi dəfələrlə Venesuela Prezidenti Nikolas Maduronun həyatına sui-qəsd hazırlayıb və həyata keçirməyə cəhd göstərib.
Venesuelanın xüsusi xidmət orqanları ölkədə sui-qəsdlər törədərək sabitliyi pozmağa cəhd edən 32 nəfəri həbs edib. Bununla yanaşı, orduda xidmət edən 18 zabit Mərkəzi Kəşfiyyat İdarəsi ilə gizli əməkdaşlıq etdiyinə görə məsuliyyətə cəlb olunub.
Bölmənin digər xəbərləri
