“Vest Hem” klubu 46 illik fasilədən sonra Avropa Liqasının yarımfinal mərhələsinə yüksəlib
Bakı, 15 aprel, AZƏRTAC
Avropa Liqasının dörddəbir final mərhələsinin cavab oyununda “Lion”u 3:0 hesabı ilə məğlub edən “Vest Hem” (ilk oyun - 1:1) yarımfinala adlayıb.
AZƏRTAC xəbər verir ki, İngiltərə klubu bununla 46 illik həsrətə son qoyub.
London təmsilçisi məhz 46 ildən sonra ilk dəfə avrokuboklarda yarımfinala yüksəlib. “Vest Hem” axırıncı dəfə 1976-cı ildə Kuboklar kuboku yarışlarında finaladək irəliləsə də, həlledici görüşdə “Anderlext”ə məğlub olub (2:4).
Qeyd edək ki, “Vest Hem” yarımfinalda “Ayntraxt”la qarşılaşacaq. Bu mərhələnin oyunları aprelin 28-də və mayın 5-də olacaq.
Bölmənin digər xəbərləri
