Vətən müharibəsi şəhidi Tural Məmmədovun şəxsi əşyaları Tarix Muzeyində qorunur
Bakı, 6 noyabr, AZƏRTAC
Vətən müharibəsi şəhidi Tural Məmmədova məxsus şəxsi əşyalar AMEA-nın Milli Azərbaycan Tarixi Muzeyinin Vətən müharibəsi fondunda qorunur.
Bu barədə AZƏRTAC-a muzeydən məlumat verilib.
Tural Məmmədov 1999-cu ildə Daşkəsən rayonunda anadan olub. O, 2015-ci ildə Cəmşid Naxçıvanski adına hərbi liseyə daxil olub, səhhəti ilə əlaqədar hərbi məktəbdəki təhsilini yarımçıq qoyub. Tural Məmmədov 2017-2019-cu illərdə həqiqi hərbi xidmətdə olub.
Vətən müharibəsi zamanı Tural Məmmədov Füzuli və digər rayonlarda düşmənə qarşı döyüşlərdə mərdlik və igidlik nümunəsi göstərib. O, Şuşanın azad olunması uğrunda gedən döyüşlərdə şəhidlik zirvəsinə ucalıb.
Tural Məmmədov “Vətən uğrunda”, “Cəsur döyüşçü”, "Şuşanın azad olunmasına görə" medalları ilə təltif olunub (ölümündən sonra).
Bölmənin digər xəbərləri
