Vətən müharibəsinin iştirakçısı olan Daxili Qoşunların hərbi qulluqçusu müalicə aldığı hospitalda vəfat edib
Bakı, 6 may, AZƏRTAC
Daxili İşlər Nazirliyinin (DİN) Daxili Qoşunlarının hərbi qulluqçusu, torpaqlarımızın işğaldan azad olunması uğrunda Vətən müharibəsində iştirak edərək Şuşaya qədər döyüş yolu keçən leytenant Rüfət Nəbizadə müalicə aldığı hospitalda vəfat edib.
DİN-in mətbuat xidmətindən AZƏRTAC-a bildiriblər ki, leytenant Rüfət Nəbizadə müharibədə aldığı ağır kontuziya səbəbindən bir müddət Daxili İşlər Nazirliyinin Hospitalında müalicə alıb. Təəssüf ki, onun həyatını xilas etmək mümkün olmayıb və hərbi qulluqçu ötən gün dünyasını dəyişib.
Leytenant Rüfət Nəbizadə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin sərəncamları ilə “Füzulinin azad olunmasına görə”, “Cəbrayılın azad olunmasına görə” və “Şuşanın azad olunmasına görə” medalları ilə təltif olunub.
Bölmənin digər xəbərləri
