VƏTƏNDAŞLARDAN NARKOTİK MADDƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsi əməkdaşlarının keçirdiyi əməliyyat tədbirləri nəticəsində Julyen Ağayevdən 41,71 qram, Müşfiqabad qəsəbəsinin sakini, əvvəllər məhkum olunmuş Əhməd Əhmədovdan 12,27 qram tiryək götürülmüşdür.
Səbail Rayon Polis İdarəsinin əməkdaşları Tural Paşayevdən 2,19 qram həşiş müsadirə etmişlər.
Tərtər Rayon Polis Şöbəsi əməkdaşlarının keçirdiyi əməliyyat nəticəsində rayon sakinləri Bəhruz Mustafayevin həyətyanı sahəsindən çəkisi 24,13 kiloqram olan 130 ədəd, Azər Hüseynovun həyətyanı sahəsindən isə çəkisi 6 kiloqram olan 30 ədəd çətənə kolu aşkarlanmışdır.
Faktlarla bağlı cinayət işi açılmışdır, araşdırma aparılır.
Bölmənin digər xəbərləri
