“Vikipediya” könüllüləri Cənubi Koreyanın mədəniyyəti, tarixi, ədəbiyyatı haqqında məqalələr yaradıb
Bakı, 13 may, AZƏRTAC
Azərbaycan Milli Elmlər Akademiyasının Mərkəzi Elmi Kitabxanasının (MEK) “Vikipediya” könüllüləri tərəfindən Cənubi Koreyanın mədəniyyəti, tarixi, ədəbiyyat haqqında məqalələr yaradılıb.
Mərkəzi Elmi Kitabxanadan AZƏRTAC-a bildirilib ki, “Vikipediya”nın Azərbaycan dili bölməsində Koreya şairi və dramaturqu Kim Jiha, Dongduk Qadınlar Universiteti, Koreya mədəniyyəti, Avrasiya Türk Araşdırmaları İnstitutu, Koreya İmperiyası, Koreya şairi və nasiri, ictimai xadim, insan hüquqları müdafiəçisi Ko Un haqqında məqalələr hazırlanıb.
“Vikipediya”da Cənubi Koreyanın qadın türkoloq alimi, xüsusilə özbək dastanlarının araşdırıcısı, müqayisəli ədəbiyyat üzrə bir sıra tədqiqatların müəllifi, jurnalist, Dongduk Qadınlar Universitetinin professoru, Avrasiya Türk Araşdırmaları İnstitutunun direktoru, UNESCO-nun Orta Asiya ölkələri üzrə təmsilçisi Eunkyung Oh haqqında da məlumatlar yerləşdirilib.
Bölmənin digər xəbərləri
