Vüqar Həşimov Memorialının altıncı turunda qarşılaşacaq rəqiblər məlum olub
Şəmkir, 1 iyun, Samirə Allahverdiyeva, AZƏRTAC
Bu gün Şəmkirdəki Heydər Əliyev Mərkəzində Vüqar Həşimovun xatirəsinə həsr olunan “ShamkirChess 2016” turnirinin 6-cı turu keçirilir.
AZƏRTAC xəbər verir ki, bu turda aşağıdakı cütlüklər qarşılaşacaq: Aniş Giri (Hollandiya) - Pavel Elyanov (Ukrayna), Hou İfan (Çin) - Pentala Harikrişna (Hindistan), Rauf Məmmədov (Azərbaycan) - Sergey Karyakin (Rusiya), Teymur Rəcəbov - Şəhriyar Məmmədyarov (hər ikisi - Azərbaycan), Eltac Səfərli (Azərbaycan) - Fabiano Karuana (İtaliya).
Beş turdan sonra turnirin liderlər qrupunda vəziyyət belədir: Fabiano Karuana - 4,5 xal, Aniş Giri - 4 xal, Sergey Karyakin - 3 xal.
Xatırladaq ki, mayın 31-də istirahət günü idi.
Turnir iyunun 4-də başa çatacaq.
Bölmənin digər xəbərləri
