Xanım Sofiyeva: Müharibənin fəsadlarından əziyyət çəkən vətəndaşlara bütün psixoloji xidmətlər təmənnasız göstəriləcək
Bakı, 21 yanvar, AZƏRTAC
Türkiyədən dəvət olunan və 20 peşəkar psixoloqdan ibarət heyət ölkəmizdə müharibənin fəsadlarından əziyyət çəkən vətəndaşlarımıza psixoloji yardım göstərəcəklər.
AZƏRTAC xəbər verir ki, bunu Fövqəladə Hallar Nazirliyinin Tibbi və psixoloji yardımın təşkili şöbəsinin rəisi, tibb xidməti mayoru Xanım Sofiyeva yanvarın 21-də jurnalistlərə müsahibəsində deyib.
X.Sofiyeva bildirib ki, təcrübəli psixoloqlar əvvəlcə paytaxtda yerləşən tibb müəssisələrində xidmət göstərəcəklər. Sonrakı müddətdə isə həkim heyəti müharibə dövründə mülki şəxslərin daha çox psixoloji travmaya məruz qaldığı şəhər və rayonlara gedəcəklər. Heyət üzvlərinin orada şəhid ailələri, qazilər və müharibənin fəsadlarından əziyyət çəkən vətəndaşlara xidmət göstərməsi nəzərdə tutulub. Ümumiyyətlə, bütün psixoloji xidmətlər təmənnasız göstəriləcək.
Bölmənin digər xəbərləri
