Xarici işlər nazirləri Azərbaycan XİN-ə başsağlığı məktubları ünvanlayıblar
Bakı, 16 dekabr, AZƏRTAC
Azərbaycan Respublikası Dövlət Neft Şirkətinin “Günəşli” yatağının 10 saylı stasionar dərin dəniz özülündə baş vermiş qəza ilə əlaqədar müxtəlif ölkələrin, o cümlədən Türkiyə, Qazaxıstan, Litva, Fransa, Çexiya, Küveyt, Rumıniya, Niderland Krallığı, Macarıstan, Finlandiya, Qətər, Portuqaliya və Monteneqronun xarici işlər nazirləri tərəfindən Azərbaycanın xarici işlər naziri Elmar Məmmədyarova başsağlığı məktubları ünvanlanıb.
Məktublarda “Günəşli” yatağının platformasında baş vermiş şiddətli yanğın nəticəsində insanların həlak olması ilə bağlı başsağlığı verilir, onların ailələrinə səbir dilənilir.
Bölmənin digər xəbərləri
