XARKOV BEYNƏLXALQ SLAVYAN UNİVERSİTETİNDƏ AZƏRBAYCAN DİLİ KURSU AÇILACAQ
Xarici Ölkələrdə Yaşayan Azərbaycanlılarla İş üzrə Dövlət Komitəsindən verilən məlumata görə, Ukrayna Azərbaycanlıları Konqresinin və onun Xarkov regional təşkilatının təşəbbüsü ilə yaradılan kursun fevral ayında fəaliyyətə başlayacağı gözlənilir.
Kursun açılmasından məqsəd universitetdə təhsil alan tələbələrə Azərbaycanın tarixini, mədəniyyətini öyrətməklə yanaşı, onlara Ukrayna-Azərbaycan ələqalərinin bütün sahələri barədə geniş məlumat verməkdir.
Dövlət Komitəsi kursun açılmasına yardım məqsədi ilə universitetin rus bölmələri üçün nəzərdə tutulmuş Azərbaycan dili dərsliyi, lüğət və danışıq kitabçaları, ədəbiyyatımıza, tarix və mədəniyyətimizə dair kitablar, sorğu materialları, tanınmış rəssamların əsərləri, milli geyim nümunələri, milli musiqi alətləri ilə təmin etməyi öhdəsinə götürmüşdür.
Bölmənin digər xəbərləri
