Xartum yaxınlığına endirilən aviazərbə nəticəsində 10 nəfər ölüb
Bakı, 6 yanvar, AZƏRTAC
Sudanın paytaxtı Xartumun cənubunda yerləşən Mayo rayonunun Əl-Səxric stansiyasına endirilən aviasiya zərbəsi nəticəsində azı 10 nəfər ölüb, 30 nəfər isə yaralanıb.
AZƏRTAC xəbər verir ki, yaralananların əksəriyyəti hadisə yerindən dörd kilometr məsafədəki Bəşair xəstəxanasına çatdırılıb. Hücuma görə məsuliyyəti heç bir qruplaşma üzərinə götürməyib.
Əl-Səxric stansiyası yaxınlığında bazar və bir neçə ərzaq mağazası yerləşdiyi üçün həlak olanların əksəriyyəti mülki şəxslərdir.
Xatırladaq ki, 2023-cü ilin aprelindən bəri Sudanda ordu ilə çevik qüvvələr arasında şiddətli toqquşmalar davam edir. Beynəlxalq təşkilatların son məlumatına görə, münaqişə nəticəsində 30 minə yaxın insan həlak olub, 14 milyondan çox sudanlı isə məcburi köçkün vəziyyətinə düşüb.
Bölmənin digər xəbərləri
