Xəzər dənizinə 17 milyard kubmetrə yaxın su axıdılıb
Astana, 4 noyabr, AZƏRTAC
Cari ilin əvvəlindən bəri Jayık çayından Xəzər dənizinə 16,7 milyard kubmetr su axıdılıb.
AZƏRTAC bu barədə Qazaxıstan Respublikasının Su Təsərrüfatı və Suvarma Nazirliyinin mətbuat xidmətinə istinadla xəbər verir.
Mövcud məlumatlara görə, Jayık çayının orta uzunmüddətli axını 9,46 kubik kilometr təşkil edir. Bu il alınan suyun həcmi bu rəqəmi xeyli üstələyib.
Qeyd etmək vacibdir ki, çay axınının formalaşması birbaşa Rusiya ərazisində yerləşən İriklinsk su anbarından gələn suyun həcmindən asılıdır.
Nazirliyin rəsmi nümayəndəsi Moldir Abdualiyevanın qeyd etdiyi kimi, ilin əvvəlindən nazirliyin nümayəndələri Rusiya, Çin və Mərkəzi Asiya ölkələrindən olan həmkarları ilə transsərhəd çaylar məsələlərinə dair 28 görüş keçiriblər. O əlavə edib: “Daşqın dövründə suyun həcminin tənzimlənməsi ilə bağlı danışıqlar gücləndirilmiş iş rejimində aparılacaq”.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
