“Xəzərin ekoloji mühitinin yaxşılaşdırılması istiqamətində görülən işlər, perspektivlər” mövzusunda tədbir keçirilmişdir
Bakı, 24 sentyabr (AZƏRTAC). Hər il sentyabr ayının sonuncu həftəsi qeyd olunan “Beynəlxalq dəniz günü” ilə əlaqədar Ekologiya və Təbii Sərvətlər Nazirliyi Bakının Yasamal rayonundakı 176 saylı orta məktəbdə “Xəzərin ekoloji mühitinin yaxşılaşdırılması istiqamətində görülən işlər, perspektivlər” mövzusunda tədbir keçirmişdir.
ETSN-in mətbuat xidmətindən AZƏRTAC-a bildirmişlər ki, tədbirdə “Beynəlxalq dəniz günü”nün məqsədi, Xəzər dənizinin ekoloji problemlərinin həlli istiqamətində görülmüş işlər, qarşıda duran vəzifələr barədə şagirdlərə məlumat verilmiş, onların sualları cavablandırılmışdır. Bu kimi tədbirlər nazirliyin mütəxəssisləri tərəfindən Xəzərsahili şəhər və rayonların orta təhsil müəssisələrində də keçirilir.
Nazirlik müvafiq tədbirlər planına uyğun olaraq “Xəzər həftəsi” çərçivəsində ictimaiyyətin maarifləndirilməsinə xidmət edən mədəni-kütləvi tədbirləri davam etdirəcəkdir.
Bölmənin digər xəbərləri
