Xocalı həqiqətlərinin dünya ictimaiyyətinə çatdırılması Azərbaycan və Türkiyə jurnalistlərinin əsas vəzifələrindəndir
Bakı, 26 fevral, AZƏRTAC
Xocalı faciəsinin bəşəri cinayət kimi dünya ictimaiyyətinə çatdırılması Azərbaycan və Türkiyə jurnalistlərinin əsas vəzifələrindəndir. Bu faciə türk dünyasının faciəsidir, bütövlükdə insanlıq əleyhinə olan vandalizm aktıdır.
Bu fikir Türkiyənin TRT telekanalının təmsilçiləri - TRT AVAZ-ın baş koordinatoru Murad Akkoç və qurumun proqram rəhbəri Gökçən Oqan, həmçinin TRT-nin Azərbaycan nümayəndəliyinin rəhbəri Yıldıray Arslan ilə Mətbuat Şurasında keçirilən görüşdə səsləndirilib.
Görüşdə Mətbuat Şurasının sədri, Milli Məclisin deputatı Əflatun Amaşov deyib ki, hər iki ölkənin mediası məsələyə məhz bu aspektdən yanaşmaqla gələcəkdə dünyada oxşar hadisələrin baş verməməsi üçün nələr edilməli olduğunu düşünməlidir. Buna görə də ancaq yorulmadan təbliğat aparmaq lazımdır. Erməni millətçiləri, separatçı dəstələri tarixin müxtəlif dövrlərində dinc türklərə qarşı soyqırımları həyata keçiriblər.
Qonaqlar Azərbaycana səfərin məqsədinin də məhz Xocalı həqiqətləri barədə süjet və reportajların hazırlanmasından ibarət olduğunu bildiriblər. Azərbaycan və Türkiyənin media mənsublarının birgə əməkdaşlığından bəhs edən türkiyəli jurnalistlər bunun faydalı nəticələr verdiyini söyləyiblər.
Bölmənin digər xəbərləri
