Xocalı soyqırımı qan yaddaşımıza həkk olunub
Bakı, 27 fevral, AZƏRTAC
Azərbaycan Milli Elmlər Akademiyasının (AMEA) Radiasiya Problemləri İnstitutunda Xocalı faciəsinin 24-cü ildönümü ilə əlaqədar anma mərasimi keçirilib.
İnstitutdan AZƏRTAC-a bildiriblər ki, tədbirdə bu elm müəssisəsinin direktoru Oqtay Səmədov ermənilərin zaman-zaman xalqımıza qarşı törətdikləri vəhşiliklərdən danışıb. Qeyd edilib ki, erməni silahlı dəstələri keçmiş sovet ordusunun 366-cı motoatıcı alayının köməyi ilə Xocalıda qanlı hadisələr törədiblər. Düşmən tərəfindən Xocalının 613 sakini qətlə yetirilib, səkkiz ailə tamamilə məhv edilib, yüzlərlə insan əsir və girov götürülüb.
Fizika-riyaziyyat elmləri üzrə fəlsəfə doktoru Nizami Hüseynov Xocalı hadisələri ilə bağlı xatirələrini danışıb.
Digər çıxış edənlər də ermənilərin torpaqlarımızda günahsiz qanlar axıtdıqlarını diqqətə çatdırıb, Xocalı soyqırımının qan yaddaşımıza həkk olunduğunu söyləyiblər.
Bölmənin digər xəbərləri
