Xocalı soyqırımı yaddan çıxmayacaq
Bakı, 26 fevral, AZƏRTAC
Azərbaycan Milli Elmlər Akademiyasının Fəlsəfə və Hüquq İnstitutunda Xocalı soyqırımının 24-cü ildönümünə həsr olunmuş tədbir keçirilib.
İnstitutdan AZƏRTAC-a bildiriblər ki, tədbirdə bu elm müəssisəsinin direktoru, professor İlham Məmmədzadə 1992-ci il fevralın 25-dən 26-na keçən gecə qəsbkar ermənilərin keçmiş sovet ordusunun 366-cı motoatıcı alayının köməyi ilə Xocalıda törətdikləri dəhşətli qırğınlardan danışıb.
Alim Xocalı soyqırımı ilə bağlı xarici dillərdə, o cümlədən rus və ingilis dillərində daha çox kitab və məqalələrin çap etdirilməsinin zəruriliyini vurğulayıb.
İnstitut direktorunun elmi işlər üzrə müavini, professor Bəhram Zahidov Xocalı soyqırımının bəşəriyyət tarixində ən böyük faciələrdən biri olduğunu söyləyib.
Çıxış edən digər alimlər də ermənilərin vəhşiliklərindən bəhs edib, Xocalı faciəsinin heç zaman yaddan çıxmayacağını bildiriblər.
Bölmənin digər xəbərləri
