XRONİKİ XƏSTƏLİKLƏR QARŞIDAKI 10 İLDƏ 388 MİLYON İNSANIN HƏYATINA SON QOYACAQ
DST fəaliyyətinin başlıca məqsədlərindən birini qarşıdakı onillikdə xroniki xəstəliklər nəticəsində ölüm hallarını 2 faiz azaldaraq, 36 milyon insanın həyatını sadə və ucuz müalicə üsulları ilə xilas etməkdə görür.
DST ekspertləri bildirirlər ki, ürək, insult və diabet xəstəlikləri hallarının təxminən 80 faizinin qarşısını almaq olar, bunun üçün xəstəliklərin başlıca səbəblərinə – düzgün qidalanmamaya, hərəkət çatışmazlığına və siqaret çəkməyə son qoyulmalıdır.
Məruzədə vurğulanır ki, xroniki xəstəliklərin qarşısını almaq onların müalicəsindən ucuz başa gəlir. Əhalisi ən çox olan ölkələr xroniki xəstəliklərdən daha artıq zərər çəkəcəklər. Məsələn, ekspertlərin proqrnozlarına görə, ürək, insult və diabet xəstəlikləri olan insanların müalicəsinə qarşıdakı 10 ildə Çin 558 milyard, Rusiya 303 milyard, Hindistan 236 milyard dollar sərf edəcəkdir.
Tədqiqatın nəticələrinə görə, inkişaf etmiş ölkələrin təcrübəsi göstərir ki, xroniki xəstəliklərin əsas səbəblərinin aradan qaldırılması ölüm hallarını azaltmağa imkan verir. Məsələn, son 30 ildə Kanada, Avstraliya, Böyük Britaniya və Birləşmiş Ştatlar ürək xəstəliklərindən ölənlərin sayını 70 faiz azalda bildmişdir.
Bölmənin digər xəbərləri
