Yanvarda neft-qaz sektoruna yatırılmış investisiyalar azalıb
Bakı, 18 fevral, AZƏRTAC
Yanvar ayında neft-qaz sektoruna 404,1 milyon manat yönəldilib. Əvvəlki ilin eyni ayı ilə müqayisədə neft-qaz sektoruna yatırılmış investisiyalar 15,1 faiz azalıb.
Dövlət Statistika Komitəsindən AZƏRTAC-a bildirilib ki, ay ərzində neft-qaz sektorunda 2 milyard 284,2 milyon manatlıq məhsul istehsal olunub. Sənayenin bu sektorunda məhsul istehsalı əvvəlki ilin eyni ayına nisbətən 5,4 faiz azalıb. Neft-qaz sektorunda istehsal olunmuş əlavə dəyər isə 6,2 faiz geriləyib.
Sənaye məhsulunun 64,9 faizi mədənçıxarma sektorunda istehsal edilib. Yanvarda sənaye məhsullarının istehsalçı qiymətləri indeksi əvvəlki ayla müqayisədə 107,9 faiz, o cümlədən mədənçıxarma sənayesi üzrə 108,3 faiz təşkil edib. Əvvəlki aya nisbətən istehsalçı qiymətləri indeksi neft-qaz sənayesi üzrə isə 109,5 faiz olub.
Yanvarın 1-nə iqtisadiyyatın neft-qaz sektorunda 33,8 min nəfər çalışıb. Ötən il neft-qaz sektorunda nominal əməkhaqqı isə 3326,3 manat təşkil edib.
Bölmənin digər xəbərləri
