Yaponiya nüvə silahının qadağan olunması ilə bağlı BMT-nin keçirəcəyi iclasda iştirak etməyəcək
Bakı, 18 fevral, AZƏRTAC
Yaponiya hökuməti BMT-nin nüvə silahının qadağan edilməsinə dair iclasında iştirak etməyəcək.
AZƏRTAC Kyodo xəbər agentliyinə istinadla xəbər verir ki, bu barədə Yaponiyanın xarici işlər naziri Takeşi İvaya bildirib. O qeyd edib ki, nüvə silahına malik dövlətləri cəlb etmədən bu fikirləri həyata keçirmək olduqca çətin məsələdir.
Bu il ABŞ-ın Xirosima və Naqasakiyə nüvə bombası atmasının 80-ci ildönümü olduğu üçün hökumət dəfələrlə iclasda iştirak etməyə çağırılıb.
BMT-nin Silahsızlanma Məsələləri üzrə Ofisindən verilən məlumata görə, BMT-nin bu iclası martın 3-7-də BMT-nin Nyu-Yorkdakı mənzil-qərargahında keçiriləcək, Qazaxıstan prezident kimi fəaliyyət göstərəcək.
Qeyd edək ki, 1945-ci ildə Xirosima və Naqasakinin bombalanması təxminən 210 min insanın ölümünə səbəb olub.
Bölmənin digər xəbərləri
