Yaponiyada kredit kartı sistemində baş verən fasilə bütün ödənişləri dayandırıb
Bakı, 16 iyul, AZƏRTAC
“Kyodo News” agentliyinin məlumatına görə, iyulun 16-da Yaponiyada kredit kartı sistemində baş verən fasilə ölkədə bütün ödənişləri dayandırıb.
AZƏRTAC agentliyin saytına istinadla xəbər verir ki, insanlar marketlərdən və digər ticarət mərkəzlərindən alış-veriş edə, Şərqi Yaponiya Dəmir Yolu Şirkətinin sərnişinləri isə bilet ala bilməyiblər. Fasilənin səbəbi hələ də məlum deyil.
Lakin əsas kredit kartı təminatçılarından biri olan “Mitsubishi UFJ NICOS Co” şirkəti problemin bəzi ticarət mərkəzlərində kart ödənişlərinin emal edilə bilmədiyi zaman gecə saatlarında başladığını bildirib. Başqa bir təminatçı – “Sumitomo Mitsui Card Co” da oxşar problemlər barədə məlumat verib.
Tokiodakı sərnişinlər də ictimai nəqliyyatdan istifadə etmək üçün “Mobile Pasmo” tətbiqindən istifadə edə bilməyiblər.
Bölmənin digər xəbərləri
