YAPONİYADA SON DÖVRÜN ƏN QATI CANİLƏRİNDƏN BİRİ DAR AĞACINDAN ASILMIŞDIR

14.09.2004 [14:11]
Çap et
A⁺ A^-

AZƏRTAC Kiodo Susin agentliyinə istinadla xəbər verir ki, Osaka şəhərinin həbsxanasında son dövrün ən qatı canilərindən biri - 40 yaşlı Mamoru Takuma dar ağacından asılmışdır. O, 2001-ci ildə şəhərin məktəblərindən birinə soxularaq, 8 uşağı soyuqqanlıqla qətlə yetirmişdi. Hadisə zamanı daha 15 nəfər, o cümlədən qatili dayandırmağa cəhd göstərmiş müəllimlər yaralanmışdı.

Takuma son anadək bu cinayəti niyə törətdiyini əməlli-başlı izah edə bilməmişdir. O, hökm çıxarıldıqdan sonra şikayət verməkdən imtina etmiş və üç ay ərzində dar ağacından asılmağını yazılı şəkildə xahiş etmişdir. Həmin gün Takuma ilə bir yerdə Fukuoka şəhəri həbsxanasında daha bir məhbus edam olunmuşdur.

Beynəlxalq təşkilatların etirazına baxmayaraq, Yaponiya ölüm cəzasını ləğv etmək fikrində deyildir. Hazırda ölkənin həbsxanalarında 60-a yaxın məhbus dar ağacından asılacağı günü gözləyir.

YAPONİYADA SON DÖVRÜN ƏN QATI CANİLƏRİNDƏN BİRİ DAR AĞACINDAN ASILMIŞDIR

MÜƏLLİFLƏ ƏLAQƏ