Yaponiyanın Çiba prefekturasındakı evlərə elektrik enerjisinin verilişi hələ də bərpa edilməyib
Tokio, 14 sentyabr, AZƏRTAC.
Sentyabrın 13-də axşam saat 18:30-dək olan son məlumata görə, “Faksay” tufanından sonra Çiba prefekturasında 180 min ev təsərrüfatına elektrik enerjisinin verilişi hələ də bərpa edilməyib.
AZƏRTAC yerli KİV-lərə istinadla xəbər verir ki, tufandan sonra prefekturada 640 min ev elektrik enerjisiz qalıb. Təbii fəlakət nəticəsində elektrik enerjisinin kəsildiyi evlərdə iki nəfər ürək tutmasından ölüb.
“Tokyo Elelctrik Power Co.” şirkətinin məlumatına görə, prefekturadakı evlərə elektrik enerjisinin verilişinin bərpası üçün daha çox vaxt lazım olacaq.
Çiba prefekturasının rəsmilərinin bildirdiyinə görə, cümə günü günortayadək təqribən 29 min evə içməli su verilişi də bərpa edilməyib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
