Yaşar Güler: Ankara regionda təhdidlərə və çağırışlara qarşı tədbirlər görür
Ankara, 2 avqust, AZƏRTAC
Ankara Kipr daxil olmaqla, regiondakı inkişafları və prosesləri yaxından izləyir və təhlil edir. Türkiyə təhdid və çağırışlara qarşı mübarizə aparmaq üçün həm siyasi, həm də hərbi tədbirlər görməyə davam edir.
AZƏRTAC xəbər verir ki, bu barədə Türkiyənin milli müdafiə naziri Yaşar Güler parlament üzvünün yazılı sualına cavabında bildirib.
O qeyd edib ki, NATO soyuq müharibədən sonra diqqəti alyansın məsuliyyət zonasında əməliyyatlara və böhranların nizama salınmasına yönəldib.
Nazir ABŞ-nin Asiya-Sakit okean bölgəsinə diqqətinin son zamanlar dəyişməsini və Avropada ənənəvi qüvvələrini azaltmasını vurğulayıb ki, bu da onun Avropadakı müttəfiqlərindən və Kanadadan daha böyük məsuliyyət tələb edir.
“Türkiyə regional məsuliyyət kontekstində NATO müttəfiqləri Bolqarıstan və Rumıniya ilə birlikdə Qara dənizdə təhlükəsizliyi və sabitliyi qorumaq üçün bütün zəruri tədbirləri görür. Biz Ukraynada ədalətli, davamlı və ləyaqətli sülhə nail olmaq səylərinə bütün mümkün dəstəyi veririk və maraqlı tərəflərlə səmimi dialoqu təşviq etməyə sadiqik”, - deyə o vurğulayıb.
Y. Güler Kiprdəki vəziyyətlə bağlı Ankaranın Türkiyənin və Şimali Kipr Türk Cümhuriyyətinin təhlükəsizliyini təmin etmək üçün vaxtaşırı döyüş təlimi bacarıqlarını tətbiq etməklə adada kövrək güc balansını qorumağa çalışdığını bildirib.
Bölmənin digər xəbərləri
